Quilled white fringed flowers on greeting card

Hi friends from now on I’ll be starting the paper craft (quilling) and other handmade articles on my blog.. hope u guys like it J

Well this is a really special card which has come out really well so i thought it deserves to be uploaded in first place... it can be used as a birthday or anniversary or a season greeting card...

Sardi ki dhoop

Yes its winter and with winter comes the rajai, lambi thandi raatein, kadak chaai (or strong coffee for the coffee lovers) ka pyaala, garam garam jalebiyan and sardi ki dhoop J

Sardi ki dhoop

Aaj aangan mein mili humse gungunati sardi ki dhoop

Khil khila raha tha aanchal mein mere jiska rang roop

Taazgi kuch mehka gayi wo dil mein humare

Ek naya josh bhar gayi jivan mein humare

Sardi ki dhoop ka woh pehla ehsaas

Khila gaya rom rom ko humare

Chamak uthi sunehri pedon ki pattiyan

Hans padi fir wo murjhayi kaliyan

Angdai jo li sardi ki dhoop ne

Goonj uthi ye sooni galiyan..

Thithurte honthon pe garam chai ki pyaali

Sardi ke dinon mein lage sabko niraali

Thande thande haathon ko fir sehlaati

Aur dheere se gungunati sardi ki dhoop..

Aaj aangan mein mili humse gungunati sardi ki dhoop

Khil khila raha tha aanchal mein mere jiska rang roop

Its been so long since i wrote a poem well the reason being the wedding season around and four of our friends tied the knot this november :) as its the begining of a beautiful journey for them here's cheers to their new life new aashiyaan...

Ek Aashiyaan....

Kalpana karo ek aise aashiyan ki

Pyar hi pyar ho har eent mein jiski

Koi vivaad ki gunjaish na jahan

Hai aisa aashiyan duniya mein kahan..?

            Dharti ke aanchal mein,

            Ambar ki baahon mein,

            Mamta ki duaon mein,

            Pyar ki baharon mein,

                        Jannat bhi jal jaye jiske khilkhilane se...

                        Kya mil jayega wo aashiyaan humein dhundhne se..??

            Khwabon ki panaho se,

            Vishwas ki nigaahon mein,

            Dilon ki chahat se,

            Rishton ki mithas mein,

Mehakta rahe jiska aangan badon ke aashirwad se...

Bas mil jayega wo aashiyan apne-pan ke ehsaas se..!!!

Tammanna...

Holaaaaa friends..!! well my husband s back n i’m so happy that i was on cloud nine.. so had this flying tammanna inside me which i just penned down...

Iss dil mein ek choti si hasrat hai..

Mil jaaun falak se aaj bas yehi ek tamanna hai!!

Pankh felake thoda fadfadake aise

Ki rach jaaun ambar mein aaj...

                        Indradhanush ke rangon ke jaise..!!!!

Chand sitaron se baatein karlun mein aise

            Ki ghul jaaun hawa mein aaj...

                        Koyal ke madhur sangeet ke jaise..!!!!

Barish mein cham cham naach lun mein aise

            Ki kho jaaun iss dharti mein aaj...

                        Guunjun wan ke mayuron ke jaise..!!!!

Mann ki iss chotisi hasrat mein

Milne ki uss khuda se, tamanna hai...

Jo basta hai shrishti ke katre katre mein

Tum mein, mujh mein, hum sabhi mein..

Bas uss khuda ko pane ki ek tamanna hai...

Door Ho Kar Bhi...

Hello guys.. well my sweet husband is on a tour and i'm missing him very much.. thus these were the lines that came out, straight from the heart last night... hope u 'll also feel the flow of feelings and miss him with me.. come soon Siddharth... Missssss you..!!

Door ho kar bhi pass ho tum..

Dil ka har ehsaas ho tum...

           

Tanhaai mein jo honthon pe muskaan laye

            Aisi meethi yaadein ho tum..

            Baithe baithe mann kahin gumm sa ho jaye

            To aisi surmayi baatein ho tum..

            Aankhon hi aankhon mein jo katt jaye

            Sardi ki wo raatein ho tum..

                        Door ho kar bhi pass ho tum..

Dil ka har ehsaas ho tum..

            Jab se aaye ho jindagi mein

            Bane jivan ke pyare saaj ho tum..

            Bhar de jo naya josh jindagi mein

            Wo taajgi bhari leharein ho tum..

            Nihaare jo har pal mujhe

            Aisi pyari nazarien ho tum..

                        Door ho kar bhi pass ho tum..

Dil ka har ehsaas ho tum..

            Katt rahaa hai har pal har lamha aise

            Sharad mein shakhon se patte jhadte ho jaise

            Abb aur intezaar na karao tum

            Zindagi mein fir bahar ban chao tum

            Bin tumhare suna suna sa hai ghar

            Aa jao tum to khushboo se jaye bhar.. J

                        Door ho kar bhi pass ho tum..

Dil ka har ehsaas ho tum..

Intezaar....

Hi friends.. well this poem was written long long back seeing a friend's loneliness... she inspired me to write a poem and thus i discovered a poetess in me.. the poem is gloomy but ends in a positive note though... so here it is.. 

Intezaar..... 

Hai dard kitna dil mein jata nahi sakte hum ..

hai tanhaiyan chayi kitni yahan dikha nahi sakte hum ..

nahi bata sakte kitna ladd rahe hai jindagi se hum ..

thak gaye hai akele chalte chalte in raahon mein ab hum ..

jane kab aayegi wo suraj ki kiran..?

jane kab hoga khushiyon se milan..?

kab aayega wo kshan jindagi mein ..

bas jiska intezaar karte hai hum...........

mann rehta hai bahut udaas ..

na koi raha jo iss dil k paas ..

na kuch rahi jindagi mein aas ..

bujhti nahi kyun iss tanhai ki pyaas .. ? ?

bhar aati hai aankhen humari.....

kho gayi hai jo yaarii humari......

jane kisski nazar laggi hai jindagi mein ..

bas kissiki chahat ka intezaar karte hai hum.........

tanhaiyon se darrte hai ab hum ..

tammanaon se girre rehte hai ab hum ..

jane kahan khoye ja rahe hai hum ..

tut raha hai ab humare himmat ka dum ..

dukhi mann mein khoye khoye se rehte hai hum ..

dhundhta hai dil, ab bas ek humdum

jane kab aayega wo jindagi mein ..

bas usika intezaar karte hai hum...........

Ek ek pal kaat rahe hai us pal k intezaar mein

us khushi k intezaar mein ..

us chahat k intezaar mein ..

mere intezaar ki intehaan na lena e khuda!!

Bikharne se pehle mujhe sambhal lena e khuda..!!!!

Waqt ki daastan...

 Ye waqt jo gujar raha hai haathon se mere...

Jane kya keh raha hai kaanon mein mere...

Keh raha hai shayad .. jo aaj hai wo kal nahi hoga

Par jo aaj nahi hai .. shayad wo kal hoga...

Badalta hun har pal har kshan mein mein,

Tho nahi rahunga tere liye bhi ek jaisa mein...

Nahi ruka hun kabhi kissi ke liye mein

Nahi thaka hun kabhi chalte huye mein

Beete palon se sikha hai humesha mene

Humesha chalte rehna iss Jindagi mein...

Jee sako agar .. tho jeelo har pal jindagi mein..

Jo pal beet gaya .. tho laut kar aata nahi jindagi mein...

            Bator lo har pal mein khushiyan iss kadar tum

            Ki fir reh na jaye koi gamm iss jindagi mein...

Nahi kabhi laga sakte, koi mol mera tum

Kyunki sabhi ke liye hota hun, anmol mein...

Laga nahi sakte mera mulya kissise tum

Kyunki hun is duniya mein, sabse amulya mein...

Thakna mat chalte hue kabhi in akeli raahon mein tu...

Rukna mat jivan ki kathin paristhitiyon mein tu..

Himmat se aagey bhadte rehna tu

Aur apna honsla kabhi na harna tu...

 Ye waqt jo gujar raha hai haathon se mere...

Jane kya keh raha hai kaanon mein mere...

Jindagi aur Sangharsh

Jindagi ki paheli koi samajh na paye...

Ek chote shabd mein jaise kitne arth samaaye...

Iss shabd ke rahasya mein jo prani dub jaye...

Tho wo apni jindagi ka har pal jee jaye....

Koi kehta hai dosti jindagi hai..

Koi kehta hai mohabbat jindagi hai..

Hum tho bas itna kehte hai ki, jiyo agar har pal jee bhar ke....

Tho bas wo har ek pal jindagi hai....

Jindagi tho naam hai sukh ka aur dukh ka

Ye aashiyan hai gamon ka aur khushiyon ka

Chalte hai yahan sikke ke dono pehlu

Ye tho chalka sa jaam hai nafrat aur mohabbat ka...

Agar ho waisa, jaisa sab chaho tum

Agar ho khushiyan hi khushiyan aur gam kabhi na pao tum

Agar ho na koi aansu koi gam jivan mein tumhare

Tho batao uss sukh ki ehmiyat kaise fir pao tum..??

Mana jindagi nahi hai waisi jaise kabhi sochi thi tumne

Mana jindagi mein sangharsh kiya hai humesha, har pal tumne

Mana jindagi ke har mod par sahi hai rukawatein aur badhaye tumne

Par girkar humesha uth kar chalne ka honsla bhi dikhaya hai tumne...

Kya hua aaj jo nahi hai waqt tumhare sath

Kya hua aaj jo hai nahi kismat ka sath

Nahi hote har din ek jaise mere yaar

Dinon ke fer se fir badal jayegi tumari baat...

Seekhate hai sangharsh jindagi ke tujhe......

Bahane hai na aansu gammo pe tujhe !!!

Har musibat se datkar ladna hai tujhe...

            Anth tak jeetne ka jajba rakhna hai tujhe...

Khud ke vishwas ko kabhi na khone dena tu...

            Dil mein humesha umangon ki udaan bharna tu...!!!

Rukna mat, darrna mat, thak ke yun haarna mat...

            Vipdaon ke samne apna sar jhukana mat...

Fir dekhna khuda ki tu rehmat

            Aur kya rang layegi teri mehnat...

Sapne dekhna tu kabhi na chod

            Unko pura karne ki umeed mat tod

Everythin ll be fine as i told

            Kyunki waitin for u is somewher sukh ki road... J

Khuda bhi hota hai us bandhe se khush

            Jo karta hai humesha apni limits ko push...

Chalti ka naam hi gadi hai baabu

            Aur jeena issi ka naam hai khushboo...!! J